യുഎഇയിലെ ഇന്നത്തെ കാലാവസ്ഥ പൊതുവെ ഭാഗികമായി മേഘാവൃതമായിരിക്കുമെന്നും ചില പ്രദേശങ്ങളിൽ നേരിയ തോതിൽ മഴ പെയ്യാനും സാധ്യതയുണ്ടെന്നും നാഷണൽ സെൻ്റർ ഓഫ് മെറ്റീരിയോളജി (NCM) അറിയിച്ചു.
ഇന്ന് രാത്രിയിലും നാളെ ഞായറാഴ്ച രാവിലെയും ചില ആന്തരിക, തീരപ്രദേശങ്ങളിൽ മൂടൽമഞ്ഞ് രൂപപ്പെടാൻ സാധ്യതയുണ്ട്.
ആന്തരിക പ്രദേശങ്ങളിൽ പരമാവധി താപനില 41 ഡിഗ്രി സെൽഷ്യസായിരിക്കുമെന്നും പർവതങ്ങളിൽ 26 ഡിഗ്രി സെൽഷ്യസ് വരെ എത്തുമെന്നുമാണ് NCM പ്രവചിച്ചിരിക്കുന്നത്. അബുദാബിയിലും ദുബായിലും താപനില 36 ഡിഗ്രി സെൽഷ്യസ് വരെ ഉയരുമെന്നും പ്രതീക്ഷിക്കുന്നു.