യുഎഇയിൽ വരുന്ന വ്യാഴാഴ്ച വരെ മഴയ്ക്കും ശക്തമായ കാറ്റിനും പൊടിപടലങ്ങൾക്കും സാധ്യതയുണ്ടെന്ന് നാഷണൽ സെന്റർ ഓഫ് മീറ്റിയോറോളജി (NCM) അറിയിച്ചു. രാജ്യത്തിന്റെ വിവിധ ഭാഗങ്ങളിൽ അസ്ഥിര കാലാവസ്ഥ തുടരുമെന്നാണ് മുന്നറിയിപ്പ്.
മണിക്കൂറിൽ 10 മുതൽ 25 കി.മീ വേഗതയിൽ വീശുന്ന തെക്ക്-കിഴക്കൻ, വടക്ക്-കിഴക്കൻ കാറ്റ് മേഘങ്ങളുടെ സാന്നിധ്യത്തിൽ 50 കി.മീ വരെ ശക്തമാകാം. ഇത് പൊടിപടലങ്ങൾ ഉയരാനും ചില പ്രദേശങ്ങളിൽ കാഴ്ചപരിധി കുറയാനും ഇടയാക്കും. മഴ മുന്നറിയിപ്പുണ്ടെങ്കിലും രാജ്യത്ത് കടുത്ത ചൂട് തുടർന്നേക്കും
