യുഎഇയുടെ 1 ബില്ല്യൺ മീൽസ് പദ്ധതിയിലേക്ക് ഗുണഭോക്താക്കൾ 600 മില്ല്യൺ ഭക്ഷണം സംഭാവന ചെയ്തതായി യുഎഇ വൈസ് പ്രസിഡന്റും പ്രധാനമന്ത്രിയും ദുബായ് ഭരണാധികാരിയുമായ ഹിസ് ഹൈനസ് ഷെയ്ഖ് മുഹമ്മദ് ബിൻ റാഷിദ് അൽ മക്തൂം അറിയിച്ചു.ബാക്കിയുള്ള 400 മില്ല്യൺ ഭക്ഷണം ഷെയ്ഖ് മുഹമ്മദ് വ്യക്തിഗത സംഭാവനയായി നൽകും.
ഇതോടെ 50 രാജ്യങ്ങളിലെ ദുർബ്ബലർക്ക് ഒരു ബില്ല്യൺ ഭക്ഷണം നൽകുകയെന്ന ലക്ഷ്യത്തോടെ ആരംഭിച്ച 1 ബില്ല്യൺ മീൽസ് പദ്ധതിയുടെ സമാപനം യു എ ഇ വൈസ് പ്രസിഡന്റും പ്രധാനമന്ത്രിയും ദുബായ് ഭരണാധികാരിയുമായ ഹിസ് ഹൈനസ് ഷെയ്ഖ് മുഹമ്മദ് ബിൻ റാഷിദ് അൽ മക്തൂം പ്രഖ്യാപിച്ചു.
3,20,000 വ്യക്തികളും സ്ഥാപനങ്ങളും ബിസിനസുകാരും കമ്പനികളും സംഭാവന ചെയ്ത 600 മില്ല്യൺ ഭക്ഷണത്തിന്റെ റെക്കോർഡ് സമാഹരിച്ചതിന് ശേഷമാണ് ഇന്ന് ഞങ്ങൾ ‘ഒരു ബില്യൺ ഭക്ഷണം’ സംരംഭം അവസാനിപ്പിക്കുന്നതെന്ന് ഷെയ്ഖ് മുഹമ്മദ് ട്വീറ്റ് ചെയ്തു.
ലോകം ഇപ്പോൾ അഭിമുഖീകരിക്കുന്ന വർദ്ധിച്ചുവരുന്ന ഭക്ഷ്യസുരക്ഷാ വെല്ലുവിളികൾക്കിടയിൽ യുഎഇയിലെ ജനങ്ങളുടെ യഥാർത്ഥ മൂല്യങ്ങളെയും മറ്റുള്ളവരുടെ പോരാട്ടങ്ങളോടുള്ള അവരുടെ സഹാനുഭൂതിയെയും പ്രതിഫലിപ്പിക്കുന്നതാണ് ‘ഒരു ബില്യൺ മീൽസ്’ കാമ്പെയ്‌നെന്ന് അദ്ദേഹം പറഞ്ഞു.
50 രാജ്യങ്ങളിലെ ദരിദ്രരായ ആളുകൾക്ക് ഭക്ഷണ സഹായം നൽകുന്നതിനുള്ള ഏറ്റവും വലിയ മാനുഷിക സംരംഭത്തിൽ പങ്കെടുത്തതിനും ഇതിനായി സംഭാവന നൽകിയ എല്ലാവർക്കും ഷെയ്ഖ് മുഹമ്മദ് വ്യക്തിപരമായി നന്ദിയും പറഞ്ഞു.
