യുഎഇയിൽ ഇന്ന് താപനില 49 ഡിഗ്രി സെൽഷ്യസിൽ എത്തുമെന്ന് നാഷണൽ സെന്റർ ഓഫ് മെറ്റീരിയോളജി (NCM) അറിയിച്ചു.
രാവിലെയോടെ കിഴക്കൻ തീരത്ത് ചില താഴ്ന്ന മേഘങ്ങൾ പ്രത്യക്ഷപ്പെടും. രാജ്യത്ത് നേരിയതോ മിതമായതോ ആയ കാറ്റും അനുഭവപ്പെടും.
അബുദാബിയിൽ താപനില 46 ഡിഗ്രി സെൽഷ്യസിലും ദുബായിലെ താപനില 45 ഡിഗ്രി സെൽഷ്യസിലും എത്താൻ സാധ്യതയുണ്ട്. തെക്കൻ പ്രദേശങ്ങളായ ഗസ്യുറ, അൽ ക്വാവ എന്നിവിടങ്ങളിൽതാപനില 49 ഡിഗ്രി സെൽഷ്യസായി ഉയരും. യുഎഇ പ്രാദേശിക സമയം 15:00 ന് അൽ ഷവാമെഖിൽ (അബുദാബി) 48.6 ഡിഗ്രി സെൽഷ്യസാണ് ഇന്നലെ രേഖപ്പെടുത്തിയ ഉയർന്ന താപനില.
