വിശുദ്ധ റമദാൻ മാസത്തിൽ ദുബായിലെ സ്വകാര്യ സ്കൂളുകൾക്ക് വെള്ളിയാഴ്ചകളിൽ ഓൺലൈൻ ക്ലാസുകൾ നടത്താൻ അനുമതിയായി.
70 ശതമാനം ഫെഡറൽ ജീവനക്കാർക്കും റമദാനിൽ വെള്ളിയാഴ്ച വീട്ടിലിരുന്ന് ജോലി ചെയ്യാമെന്ന് നേരത്തെ പ്രഖ്യാപിച്ചിരുന്നു. ഈ ആഴ്ച ആദ്യം യുഎഇ, ദുബായ് സർക്കാരുകളുടെ നിർദ്ദേശങ്ങൾക്ക് അനുസൃതമായി നോളജ് ആൻഡ് ഹ്യൂമൻ ഡെവലപ്മെന്റ് അതോറിറ്റിയാണ് (കെഎച്ച്ഡിഎ) പ്രഖ്യാപനം നടത്തിയത്.
വെള്ളിയാഴ്ചകളിലെ വിദൂര പഠനം അവർക്ക് അനുയോജ്യമാണോ എന്ന് പരിശോധിക്കാൻ സ്കൂളുകളും സർവ്വകലാശാലകളും അവരുടെ കമ്മ്യൂണിറ്റികളുമായി കൂടിയാലോചിക്കണമെന്ന് കെഎച്ച്ഡിഎ അഭിപ്രായപ്പെട്ടു.