യുഎഇയിൽ ഒരു ആൺകുട്ടിയെ ബലാത്സംഗം ചെയ്യുകയും ലൈംഗികമായി ചൂഷണം ചെയ്യുകയും ചെയ്തതിന് കുറ്റക്കാരനാണെന്ന് കണ്ടെത്തിയ ഒരാളെ 20 വർഷത്തിലധികം തടവിനും 2 ലക്ഷം ദിർഹം പിഴ നൽകാനും ക്രിമിനൽ കോടതി വിധിച്ചു
യുഎഇ പബ്ലിക് പ്രോസിക്യൂഷൻ പറയുന്നതനുസരിച്ച്, ബന്ധുവായ പ്രതി തന്റെ മകനെ ലൈംഗികമായി ചൂഷണം ചെയ്യുന്നതായി കുട്ടിയുടെ അമ്മ കണ്ടെത്തുകയായിരുന്നു. അവന് 11 വയസ്സുള്ളപ്പോൾ മുതൽ “പല തവണ” ബലാത്സംഗം ചെയ്യുകയും ചെയ്തിരുന്നു.“പ്രതി കുട്ടിയെ പലതവണ ബലാത്സംഗം ചെയ്തിട്ടുണ്ടെന്നും ഇത് റിപ്പോർട്ട് ചെയ്യരുതെന്ന് ഭീഷണിപ്പെടുത്തിയതായും അന്വേഷണത്തിൽ കണ്ടെത്തി. പ്രതി മയക്കുമരുന്നും സൈക്കോട്രോപിക് വസ്തുക്കളും ഉപയോഗിക്കുന്നുണ്ടെന്നും കണ്ടെത്തിയതായും പബ്ലിക് പ്രോസിക്യൂഷൻ പറഞ്ഞു. കൽബ പബ്ലിക് പ്രോസിക്യൂഷൻ പ്രതിയെ ജുവനൈൽ കോടതിയിലേക്ക് റഫർ ചെയ്തിരുന്നു. ചുമത്തിയ എല്ലാ കുറ്റങ്ങളിലും പ്രതി കുറ്റക്കാരനാണെന്ന് ക്രിമിനൽ കോടതി കണ്ടെത്തുകയും ചെയ്തു.
മാതാപിതാക്കളോടും കുടുംബങ്ങളോടും കുട്ടികളുടെ കാര്യങ്ങളിൽ ശ്രദ്ധ ചെലുത്താനും അവരുമായി ആശയവിനിമയം നടത്താനും അവരെ എല്ലാ അപകടങ്ങളിൽ നിന്നും സംരക്ഷിക്കാനും അവരെ നിരന്തരം ശ്രദ്ധിക്കാനും പബ്ലിക് പ്രോസിക്യൂഷൻ ആവശ്യപ്പെട്ടു.