ദുബായിൽ ഇന്ന് തിങ്കളാഴ്ച പുലർച്ചെ ഒരു ദൗവിൽ (പരമ്പരാഗത തടി ബോട്ട് ) തീപിടിത്തമുണ്ടായതായി ദുബായ് സിവിൽ ഡിഫൻസ് അറിയിച്ചു. പുലർച്ചെ 3.27നാണ് തീപിടുത്തമുണ്ടായത്.
ആറ് മിനിറ്റിനുള്ളിൽ അഗ്നിശമന സേനാംഗങ്ങൾ സ്ഥലത്തെത്തി തീയണക്കൽ പ്രവർത്തനം ആരംഭിച്ചിരുന്നു. ജെറ്റ്-സ്കീസുകളിലും മറൈൻ കപ്പലുകളിലും അഗ്നിശമന സേനാംഗങ്ങൾ തീയണയ്ക്കുന്ന ചിത്രങ്ങളും അധികൃതർ പുറത്ത് വിട്ടിട്ടുണ്ട്.
പുലർച്ചെ 4.15ഓടെയാണ് തീ നിയന്ത്രണ വിധേയമാക്കിയത്. സംഭവത്തിൽ പരിക്കുകളൊന്നും റിപ്പോർട്ട് ചെയ്തിട്ടില്ല. തീപിടിത്തത്തിന്റെ കാരണം അന്വേഷിക്കാൻ സ്ഥലം ബന്ധപ്പെട്ട അധികാരികൾക്ക് കൈമാറിയിരിക്കുകയാണ്.