ദുബായിൽ നിന്നും ഫ്രാൻസിലെ നൈസ് എയർപോർട്ടിൽ ഇറങ്ങുന്നതിനിടെ എമിറേറ്റ്സ് എയർലൈൻസിന്റെ EK 77 എയർബസ് A 380-800 വിമാനത്തിൽ ചിറകിൽ തകരാർ ഉണ്ടായതായി എഞ്ചിനീയർമാർ കണ്ടെത്തിയതായി എയർലൈൻ സ്ഥിരീകരിച്ചു.
എന്നാൽ ദുബായിൽ നിന്നുള്ള തങ്ങളുടെ വിമാനം സാധാരണ നിലയിലാണെന്നും യാത്രക്കാരും ജീവനക്കാരും സുരക്ഷിതരാണെന്നും എമിറേറ്റ്സ് അറിയിച്ചു.
“ഇറങ്ങിയപ്പോൾ, വലതു ചിറകിലെ സ്ലേറ്റിന് ചില കേടുപാടുകൾ സംഭവിച്ചതായി എഞ്ചിനീയർമാർ കണ്ടെത്തി, കൂടുതൽ വിലയിരുത്തലുകൾക്കായി വിമാനം നിലത്ത് തന്നെ തുടരും.”സുരക്ഷയാണ് ഞങ്ങളുടെ ഏറ്റവും ഉയർന്ന മുൻഗണന, അതിൽ വിട്ടുവീഴ്ച ചെയ്യില്ല.” എമിറേറ്റ്സ് അറിയിച്ചു.
കേടുപാടുകളുടെ കാരണം ഫ്രഞ്ച് വ്യോമയാന അധികൃതർ അന്വേഷിച്ചുവരികയാണ്.
Incident sur l'A380 à Nice: le problème sur l'aile découvert après l'atterrissage indique Emirates
➡️ https://t.co/cPKt8LiXj7 pic.twitter.com/ID2BRoAL8k— Nice-Matin (@Nice_Matin) August 22, 2023
