അജ്മാനിൽ ട്രാഫിക് പിഴകളിൽ 50 % കിഴിവ് അജ്മാൻ പോലീസ് പ്രഖ്യാപിച്ചു. 2024 ഒക്ടോബർ 31 ന് മുമ്പ് അജ്മാനിൽ നടത്തിയ ഗുരുതരമല്ലാത്ത എല്ലാ പിഴകൾക്കും 50 ശതമാനം കിഴിവ് നൽകുമെന്നാണ് അജ്മാൻ പോലീസ് ഇന്ന് വെള്ളിയാഴ്ച്ച അറിയിച്ചിരിക്കുന്നത്.
50 ശതമാനം ഇളവ് ലഭിക്കാൻ നവംബർ 4 മുതൽ 2024 ഡിസംബർ 15 വരെയുള്ള കാലാവധിക്കുള്ളിൽ തന്നെ പിഴകൾ അടച്ചു തീർക്കേണ്ടതാണ്. ഒക്ടോബർ 31 ന് നടത്തിയ ഗുരുതരമായ ട്രാഫിക് പിഴകൾക്ക് ഈ കിഴിവ് ലഭിക്കില്ലെന്നും അജ്മാൻ പോലീസ് അറിയിച്ചിട്ടുണ്ട്.
