യുഎഇ ട്രാഫിക് മുന്നറിയിപ്പ്: ജൂൺ 22 മുതൽ ദുബായ് അൽ ഖുദ്ര റോഡിൽ ഗതാഗതം വഴിതിരിച്ചുവിടുമെന്ന് ദുബായ് പ്രഖ്യാപിച്ചു.
ദുബായിലെ ഗതാഗതം മെച്ചപ്പെടുത്തുന്നതിനും അൽ ഖുദ്ര റോഡിലെ ജംഗ്ഷനുകൾ മെച്ചപ്പെടുത്തുന്നതിനുമുള്ള തുടർച്ചയായ ശ്രമങ്ങളുടെ ഭാഗമായി ഒരു പാലം നിർമ്മാണ പ്രവർത്തനങ്ങൾ നടപ്പിലാക്കുന്നതിനായി നാളെ 2025 ജൂൺ 22 മുതൽ ദുബായ് അൽ ഖുദ്ര റോഡിൽ അറേബ്യൻ റാഞ്ചസ് ജംഗ്ഷനിൽ 5 മാസത്തേക്ക് ഗതാഗതം വഴിതിരിച്ചുവിടുമെന്ന് റോഡ്‌സ് ആൻഡ് ട്രാൻസ്‌പോർട്ട് അതോറിറ്റി സോഷ്യൽ മീഡിയ പോസ്റ്റിലൂടെ മുന്നറിയിപ്പ് നൽകി
സുഗമമായ യാത്ര ഉറപ്പാക്കാൻ, വാഹനമോടിക്കുന്നവർ യാത്രകൾ മുൻകൂട്ടി ആസൂത്രണം ചെയ്യാനും, നേരത്തെ പുറപ്പെടാനും, തിരക്കേറിയ സമയം ഒഴിവാക്കാനും നിർദ്ദേശിച്ചിട്ടുണ്ട്.
