ഏറ്റവും ദൈർഘ്യമേറിയ അറബ് ബഹിരാകാശ ദൗത്യം പൂർത്തിയാക്കിയ യുഎഇ ബഹിരാകാശ സഞ്ചാരി സുൽത്താൻ അൽനെയാദി അന്താരാഷ്ട്ര ബഹിരാകാശ നിലയത്തിൽ നിന്ന് (ഐഎസ്എസ്) ഭൂമിയിൽ തിരിച്ചെത്തി. ബഹിരാകാശ നിലയത്തിൽ നിന്ന് 17 മണിക്കൂർ യാത്ര പൂർത്തിയാക്കിയാണ് ഭൂമിയിൽ തിരിച്ചെത്തിയത്. സ്‌പേസ് എക്‌സ് ഡ്രാഗൺ ബഹിരാകാശ പേടകം ഫ്ലോറിഡ തീരത്ത് ടാമ്പയ്ക്ക് സമീപമാണ് സ്പ്ലാഷ് ഡൗൺ ചെയ്തത്.
അൽ നേയാദിയും അദ്ദേഹത്തിന്റെ ക്രൂ-6 സഹപ്രവർത്തകരായ നാസ ബഹിരാകാശയാത്രികരായ സ്റ്റീഫൻ ബോവൻ, വുഡി ഹോബർഗ്, റോസ്‌കോസ്‌മോസ് ബഹിരാകാശയാത്രികൻ ആന്ദ്രേ ഫെഡ്‌യേവ് എന്നിവരും സുരക്ഷിതരായി തിരികെയെത്തി. ബഹിരാകാശ പേടകം അതിന്റെ നാല് പ്രാഥമിക പാരച്യൂട്ടുകളുടെ സ്ഥിരമായ ദിശയിൽ സെക്കൻഡിൽ 25 അടി വേഗതയിലാണ് സ്പ്ലാഷ്ഡൗൺ ചെയ്തത്.
